Agtultuloy dagiti nagduduma nga Information Education Campaign nga ipatpatungpal dagiti personnel ti Highway Patrol Group (HPG) – Benguet para kadagiti nagduduma nga aktibidadda a pakairamanan ti anti-carnapping efforts dagitoy.
Iti pannakiuman ti Bombo Radyo kenni Police Executive Master Sergeant Analita Perez, Public Information Officer ti HPG Benguet, agtultuloy ti panangipaayda kadagiti lectures ken flyers kadagiti umili tapno saanda a mabiktima iti carnapping.
Malaksid kadagiti anti-carnapping efforts dagitoy, mangipatpatungpalda metlaeng iti IEC kadagiti nagduduma a terminals tapno mangipaayda kadagiti ligtas tips kabayatan ti panagbiyahe.
Kabayatanna, nakuna ni Police Executive Master Sergeant Perez a positibo ti kadawyan a feedback ti publiko partikular kadagiti drivers ken estudyante.
Imbinglayna nga adu ti kanayonan nga impormasyon a maam-amuan ti publiko kalpasan ti maipatpatungpal nga Information Education Campaign a pakairamanan dagiti impormasyon seknan iti umno a panagala kadagiti student permit, driver’s license, ken dadduma pay.
