Naisingasing iti Senado ti pannakailaylayon wenno extension iti termino dagiti barangay officials.
Manipud iti tallo a tawen ket nakiddaw ti innem a tawen
.
Nailanad iti Senate Bill 2629 nga impila ni Senador Imee Marcos, amin a mabotosan a barangay officials ket agserbi iti innem a tawen.
Nupay kasta, saan dagitoy a mabalin nga agserbi iti nasurok dua a consecutive terms iti agpada a posisyon.
Sigun kenni Marcos, umdas ti innem a tawen para kadagiti barangay officials a mangkompleto ken mangipatungpal kadagiti proyekto dagitoy nga impaay ti national government ken local government.
Malaksid iti daytoy, kinuna ni Marcos a dakkel ti mainot to gobyerno a pundo gapu ta ti pundo ti barangay election ket dumandanon iti P18 billion.
Nu maaprubaran daytoy a singasing ket maipatungpal ti barangay election iti maudi a lawas ti October 2029.
