CHINA- Nasarakan ti maysa a pamilya a buklen dagiti innem nga indibidual nga awanan biag kalpasan a naipadamag a mapukpukaw dagitoy gapu iti nakaro a panaglayos ken panagreggaay ti daga idiay Eastern China.
Nasarkan dagiti bangkay dagitoy iti maysa a temple iti asideg ti pagtaengan dagiti rescuers kalpasan ti sumagmamano nga aldaw a panangbirukda kadakuada.
Maibasar iti report, maatap a nagturong dagitoy iti nasao a temple gaputa nagaburan ti pagtaengan dagitoy.
Kabayatanna,pakabuklan met ti uppat a pulo ket pito ti naireport iti kabangibang daytoy idiay Guangdong provine, gapu metlaeng iti napasamak a panagreggaay ken panaglayos.
Malaksid iti dayta, adu a babbalay, mula ken kalsada ti nadadael gapu paylaeng iti nasao a bagyo.
Nakanselar metlaeng dagiti railways, sadiay gapu iti napigsa a tudo.//Rose
