Patien ni Interior Secretary Jonvic Remulla a panagpakamatay ti rason iti ipupusay ni sigud a DPWH Usec. Maria Catalina Cabral.
Sigun kenni Remulla, amin a senyales ket panagpakamatay.
Kinunana daytoy gapu ta awan ti nakita a foul play agsipud ta kas maibasar iti resulta ti autopsy daytoy ket gapu iti pannakatnag no sadino nadadael pay dagiti sumagmamano a bagi daytoy.
Impettengna a ti inaramid ni Cabral ket gapu iti pressure gapu iti pakainaiganna iti naanomalyaan a flood control projects.
Inlawlawagna met a nagselfie ti driver ni Cabral gapu iti ragsak kalpasan a mapapati nga inkari ni Cabral nga igatanganna daytoy iti balay.
Innayonna pay a namindua a daras a nagsubli ni Cabral sadiay Kennon Road iti kapada metlaeng a disso rason a nalawag a patienna nga intensyonna nga agpakamatay.
