Pinasingkedan dagiti judges ti International Criminal Court (ICC) Appeals Chamber ti desisyon ti Pre-Trial Chamber nga agtalinaed latta ni sigud a president Rodrigo Duterte iti detention center ti nasao a korte.
“The Pre‑Trial Chamber found, inter alia, that there were no new or changed circumstances requiring the modification of its prior ruling on the existence of the risks under article 58(1)(b) of the Statute, and remanded Mr Duterte in detention,”dinakamat ti nasao a korte.
Sigun iti International Criminal Court, maibasura amin nga argumento pakairamanan dagiti grounds for appeals dagiti abodagado ni sigud a president Duterte.
Daytoy ket kalpasan a nakaala ti unanimmous voting ti five-person Appeals Chamber a maibasura ti kiddaw ti depensa iti Pre-Trial Chamber a temporaryo a pannakawayawayna.
Maipalagip a manipud Marso 12, 2025, naibalud ti sigud a president idiay The Hague iti kaso a crime against humanity gapu iti war on drugs campaign daytoy bayat iti panagtugawna kas presidente ti pagilian a Pilipinas. //BomboKCS
