Inladawan ni Senate President Pro Tempore Panfilo Lacson a ti ipupusay ni sigud a Department of Public Work and Highways Undersecretary Maria Catalina Cabral kas “unfortunate and tragic,” agsipud ta daytoy ti kangrunaan a testigo iti imbestigasyon ti Senate Blue Ribbon Committee seknan kadagiti naanomalyaan a flood control projects.
Sigun kenni Lacson, nakipagsarita ni Cabral iti opisina daytoy babaen iti abogadona tapno mapagtalantanan ti testimonyana kalpasan a naammuan a daytoy ti mapapati a nangtulong kadagiti mammanday-linteg para kadagiti “ghost projects” kasukat ti kickbacks.
Nupay kasta, iti baet a nakasagana daytoy a tumulong, nadlaw met ti nakaro a pressure daytoy.
Inyunay-unay metlaeng ni Lacson a kas Planning Undersecretary ni Cabral ti responsable iti panangisagana kadagiti listaan dagiti proyekto dagiti politiko.
Gapu iti dayta, mangnamnama daytoy nga adda ti naibati a dokumento a mabalin nga agserbi kas ebidensya iti agtultuloy nga imbestigasyon.
