Baguio City-Maikonkonsidera a record breaking ti isasangbay dagiti turista iti Baguio City kalpasan ti dua a tawen.
Iti interview ti Bombo Radyo, iti spokesperson ti Hotel and Restaurant Association of Baguio Andrew Pinero, napartak a nakarekober dagiti negosyante idi napalabas a bulan no sadino napuno dagiti hotels, transient ken panganan kasta met a napigsa ti panaglako dagiti vendors.
Sigun pay kenni Pinero, a mas napigsa ken makita a sibibiag ti turista ti syudad ti Baguio no idilig kadagiti dadduma a probinsya ken tourist destinations.
Dinakamatna pay, a posible rason ti nasayaat a kasasaad dagiti kalkalsada a nangipaay iti easy access kadagiti turista.
Nupay kasta, pinalagipan ni Pinero dagiti turista nangruna dagiti planona nga agturong iti syudad a pagtalinaeden a natalged, nadalus ken suroten dagiti ordinansa ti lokal a goberno tapno maliklikan ti anya man a panaglabsing.//CristineBornolla
