Nilawlawagan ni Benguet Governor Melchor Diclas dagiti nagwaras a post iti social media nga impasardengna ti manarimaan a road widening iti nargaay a Pilando Road Lengaoan Section idi kalman.
Iti exclusive interview ti Bombo Radyo kenkuana, kinunana a napagnunumuanda nga adda ti agtrabaho iti makinngato ken makinbaba a paset ti nargaay a kalsada.
Nupay kasta, imbagana a maisardeng pailaeng ti patrabaho iti makinngato a paset ti kalsada iti maysa nga aldaw.
Impeksana a nu ituloyda ti road widening iti makinngato a paset ti kalsada ket posible a mangitunda daytoy iti aksidente.
Inlawlawagna a masapul pay a mailatag dagiti kabiti wenno ti riprap wall iti makinbaba a paset ti Pilando Road sakbay a maituloy ti patrabaho wenno road widening iti makinngato a paset.
Kabayatanna, naragsakan met ti gobernador iti ado a bilang dagiti agtrabtrabaho iti nasao a kalsada.
Dinayawna pay dagiti nagitugot iti bukkodda a balon bayat nga adda met dagiti naayat a nagluto para kadagiti nagtrabaho.
