BAGUIO CITY – Nagun-od ti JKrayonz Dance Crew – Baguio ti silver medal iti 18 under category iti kaleppas nga United Dance Organisation (UDO) Asia Pacific Dance Championship 2024 a naangay sadiay Si Racha Chonburi, Thailand.
Agyamyaman ni Wreigh Jann Tamayo, coach ken choreographer ti JKrayonz Dance Crew kadagiti amin a suporta ken talek a naipaay kadakuada bayat ti competition.
Gapu iti dayta, napili da manen a mangibagi iti siudad, pagilian ken intero nga Asya iti world championship idiay United Kingdom ita a tawen.
Maipalagip a ti JKrayonz Dance Crew ket maysa a collective team a bukbuklen dagiti estudyante manipud iti nagduduma a pagadalan ti siudad ken ti sigud a miyembro ti Archers Dance Troupe ken Koolitz Dance Crew.//Bombo Marinel Rodrigo
