Saan a nakatulong ti K-to-12 curriculum nu maipapan iti employment dagiti nagturpos nga estudyante iti pagilian a Pilipinas.
Daytoy ti kinuna ni President Ferdinand Marcos Jr., rason nga impettengna a nasken nga aggaraw ti gobyerno tapno maipaayan iti napintas a trabaho dagiti nagturpos ken agturpos nga estudyante.
Maipalagip a kangrunaan a rason nu apay a naisakad ken naipasa ti K-to-12 curriculum ket gapu iti ibagbagada a makatulong iti pannakapasayaat ti employment dagiti agturpos nga estudyante.
Nupay kasta, kinuna ni President Marcos nga awan ti nakitana nga improvement wenno panagbaliw idi naipatungpal ti K-to-12 curriculum.
“If you remember, ginawa natin yung K-12 dahil hinahanap ang years of training sa ating mga nag-aapply at sinasabi dito sa Pilipinas, kulang dahil 10 years lang, kailangan 12 years. So, that was the reason we did it para employable yung mga graduate natin.” “Pero kung titingnan natin ang naging resulta, hindi tumaas, hindi gumanda ang employability nila.”
President Marcos Jr.
Sigun iti Presidente, kitkitaenda ita ti pannakabukel ti short courses para iti specialty training a mabalin a maiyaplikar iti pribado a sektor.
“We were examining things like mini courses, yung mga tatlong buwan, anim na buwan, one year, short courses para sa mga specialty.”
President Marcos Jr.
Maipalagip a naiyuswat ti “K to 12” program iti pagilian idi tawen 2012 nu sadino amin dagiti agtawen iti lima ket nasken a maipalpasda ti kindergarten sakbay nga ag-grade 1.
