--Ads--
Nagresulta iti panakaaksidente ti maysa a 24-anyos a lalaki nga estudyante ken residente ti Loakan Proper, Baguio City ti nakauy-uy a kable ti maysa nga internet provider iti paset ti Kennon Road Camp 7.
Maibasar iti imbestigasyon, saan a nadlaw wenno napakadaan ti nasao a lalaki ti kaadda ti kable apaman nga dumaldalyasat daytoy iti paset ti nasao a kalsada.
Gapu iti dayta, naikawit ti tengnged daytoy a nangitunda met ti panakapukaw ti kontrolna iti imanmanehona a motorsiklo.
Dagus met nga insistaran daytoy dagiti kameng ti Police Station 8 ken naiturong iti pagagasan.
Kabayatanna, maibasar iti resulta ti panagpatamengna, nadangran ti tengged, kanigid a tumeng ken abaga, ken ti kanawan a luppo daytoy.//Jez lapizar
