Impakaammo ni PCol. Ruel Tagel, City Director ti Baguio City Police Office a naannayas ti naipatungpal nga anti-corruption rally iti siudad ti Baguio itay agsapa
Sigun kenkuana saan laeng a para kadagiti nagrally ti proteksyon ken seguridad nga impaayda no diket uray metlaeng dagiti residente ken dagiti turista.
Daytoy ket kasaruno ti panakaideploy dagiti nasaruk dua gasuts a pulis iti nakaangayan iti rally.
Kabayatanna, impetteng ni Agnes Montuya-maysa a senior citizen ken residente iti siudad ti Baguio a maisardeng kuman ti nakaru a korapsyon ti kangrunaan nga impukkawda bayat ti pannakipasetna iti naisayangkat nga anti-corruption rally sadiay Malcolm Square, Baguio City.
Sigun kenkuana, rumbeng a mailaban ti karbengan tapno awanen ti korapsyon gaputa metlaeng daytoy kadagiti agtutubo nangruna ket dagitoy dagiti mabigbig a namnama ti pagilian.
Impeksa metlaeng ni Gabriel Ciscar-Spokesperson ti Kabataan Partylist ken maysa kadagiti opisyal iti Baguio-Benguet laban sa korasyon nga agingga nga awan ti maipisok iti pagbaludan ket saan dagitoy nga agpatengga a mangipukkaw iti arungaing dagitoy.
Possible met a maituloy ti rally kadagiti sumarsaruno pay nga aldaw.//Bombo Noveh Organo
