BAGUIO CITY – Nanayonan dagiti ruta a nailukat para iti 24/7 a libre a transportasyon para kadagiti Authorized Persons Outside Residence (APORs) ken health care workers iti sidong ti Service Contracting Program ti Land Transportation Franchising and Regulatory Board.
Idi laeng kalman kalman ket inyusuat ti LTFRB-Cordillera ti tallo a kanayonan a free rides para kadagiti health care workers ken APORs.
Sakupen ti ruta ti Baguio City – Binga via Twin River and vice versa, Baguio City – Binga via Guisset and vice versa ken Baguio City – Kereng, Tinongdan and vice versa.
Gapu iti daytoy, iti agdama ket innem ti aktibo a ruta para iti libre a transportasyon para kadagiti APORs ken healthcare workers bayat a walo ti aktibo ruta para kadagiti health care workers.
Immunan a nailukat ti ruta ti Baguio-Dalipirip, Baguio-Ambayao-Purok 12-La Chesa ken Baguio-Crystal Cave para iti 24/7 a libre a transportasyon para kadagiti APORs.
