BENGUET PROVINCE – Impaganetget ni Congressman Eric Yap a rumbeng a maipaayan dagiti atleta ti suporta ken tulong para iti panangibagi-da iti probinsiya ti Benguet iti Cordillera Administrative Region Athletic Association Meet (CARAA) meet.
Kasaruno daytoy ti panangiyawidda iti bronze medal wenno maika-tallo a puesto iti kaleppas a CARAA meet a naangay sadiay Apayao ita a tawen.
Nupay kasta, nagserbi daytoy kas motibasyon kadagiti atleta tapno ad-adda a magagaranda pay iti panangibagi iti probinsiya iti aniaman a torneo.
Impasigurado met ni Cong. Yap ti kanayonan a training center para iti panagkondisyon dagiti atleta.
Kabayatanna, manarimaan ti panakaibangon dagiti kanayonan a pasilidad kas iti Benguet Sports Complex’s Aquatic Center ken Benguet Conversation Center a makatulong kadagiti atleta para iti panagsagana ken panagsanay dagitoy.//Bombo Jerwin Aquino
