Kinumpirmar ti International Criminal Court (ICC) Pre-Trial Chamber I amin a kaso a naipila kontra kenni sigud a president Rodrigo Roa Duterte seknan iti maatap a crimes against humanity a napasamak bayat iti kampanya daytoy kontra iti droga.
Sigun iti International Criminal Court, naduktalanda nga umdas dagiti ebidensya nga insumitir ti Office of the Prosecutor tapno maipasa ti kaso iti sumaruno nga addang.
Iti pakabuklna, dagiti kaso a kinumpirmar ti nasao a korte ket ti tallo a bilang ti crimes against humanity pakairamanan ti;
- umuna, iti maatap a murder as crime against humanity idiay Davao City kabayatan iti Mayoral period ti sigud a presidente idi 2013 ken 2016 no sadino nairekord ti agarup 19 a biktima;
- murder as crime against humanity kadagiti “High-Value Targets” bayat iti panagtugaw na kas presidente ti Pilipinas no sadino nairekord ti 14 a biktima iti agarup 10-14 nga insidente a napasamak idi Hulyo 2016 ken Hulyo 2017; ken
- murder ken attempted murder kas crimes against humanity kadagiti barangay clearance operations kabayatan met laeng iti panagtugawna kas presidente no sadino agarup 45 ti nailista a biktima;
Kalpasan ti desisyon, pormal a maipila ti panangdengeg ti kaso ni sigud a president Rodrigo Duterte idiay The Hague, Netherlands.
Ti nasao nga addang ket kasaruno ti immunan a desisyon ti Appeals Chamber, banag a nagparegta iti hurisdiksyon ti International Criminal Court kadagiti krimen a napasamak sakbay a naglusulos ti pagilian a Pilipinas iti Rome Statute idi 2019. //bombokaren.c.s