Ngimmato ti nailista a kaso iti Dengue iti Baguio City sipud Enero agingga iti agdama.
Ti nairekord ita a tawen ket 15% a nangatngato ngem iti bilang dagiti nagsagrap iti nasao a sakit iti kapada metlaeng a reporting period idi 2024 a dumanon laeng iti 145.
Iti panakiuman iti Bombo Radyo kenni Dr. Celia Flor Brillantes,head iti City Health Services Office-Baguio, adda ti 3% a ngimmatwan ti bilang ti kaso kadagiti napalabas a dua a lawas rason a nagpalagip manen dagitoy kadagiti komunidad nga ruwamenda ti agdalos iti aglawlaw tapno maliklikan ti panagtaud iti breeding sites dagiti lamok.
Sigun kenni Dr. Brillantes nga iti bilang iti kaso iti Dengue ita a tawen, dua kadagiti pasyente ti pimmusay nu sadino, agpada dagitoy a nataengan.
Gapu iti agtultuloy a panangngato iti kaso iti nasao a sakit, nangawag dagitoy iti taskforce a mangpalagip kadagiti residente seknan iti panagdalus iti aglawlaw.
Kabayatanna, iti baet ti agdama a trend iti kaso iti Dengue iti Baguio City, dinakamat ni Dr. Brillantes a saan unay daytoy a nangato nu idilig iti napasamak a panagngato iti Dengue bayat ti katengngaan ti 2024.//Bombo Rob Dominguez
