BAGUIO CITY – Nakailista ti Baguio City Police Office ti sangapulo ket innem (16) a kaso ti missing persons manipud Enero agingga Mayo iti siudad.
Iti interview ti Bombo Radyo kenni PMaj. Harriet Bulcio, panakangiwat ti Baguio City Police Office, nangatngato ti nailista da iti kapada a period a dimmanon iti dua pulo ket innem a bilang.
Nu sadino bimmaba ita a tawen.
Sigun kenni PMaj. Bulcio, kaadwan kadagiti nalista da a missing person ket minor nu sadino ti makitkita a rason ket kadwa-da dagiti gayyem da wenno gapu iti apa iti pamilya dagitoy.
Kinuna met ti opisyal a nasarakan amin a natalged dagiti sangapulo ket innem a missing persons.
Nasarakan dagitoy babaen iti panagtinnulong ti kameng ti pulisya ken kameng ti pamilya dagiti napukaw.
Kabayatanna, dumanon iti tallo pulo ket walo a missing person ti nairekord idi napan a tawen ngem nabirokan metlaeng dagitoy.//Bombo Marinel Rodrigo
