Dumanonen iti uppat ti kaso ti Mpox iti Baguio City kalpasan a nailista ti dua pay a kanayonan a kaso.
Dagiti pasyente ket agpada nga agtawen iti 21-anyos, babai ken lalaki.
Sigun iti City Health Services Office (CHSO), awan ti koneksyon dagitoy kadagiti immunan a naireport a kaso ti Mpox.
Dagiti dua a pasyente ket nagpakonsulta iti nagduduma a health facilities nu sadino ditoy a naalaanda iti specimen.
Ditoy met naduktalan a positiboda iti Monkeypox viral DNA ken agpada a less severe Clade II strain a kas metlaeng kadagiti immunan a kaso ti Mpox a nailista iti siudad ti Baguio.
Madama metten a naka-home isolation dagiti dua a pasyente agingga inton February 16 ken February 14.
Dagiti met nabigbig a close contact dagitoy ket asymptomatic ken maipasidongda iti health monitoring iti uneg ti 21 nga aldaw.
