PHILIPPINES – Imbasura ti Korte dagiti reklamo a naipila kontra iti sigud a pulis ken driver nga adda pakainaiganna iti panakapukaw ni beauty queen Catherine Camilon.
Sigun iti Calabarzon Police, naibasura ti kaso a kidnapping ken illegal detention kontra iti sigud a ulis a ni Allan de Castro, driver a ni Jeffrey Magpantay alyas Jepoy, ken ti dua pay a John Does gapu iti kinakuang ti ebidensiya.
Sigun kenni Calabarzon Police regional director PBGen. Paul Kenneth Lucas, resrespetoenda ti nagbalin a desisyon ti korte seknan iti nasao a kaso.
Nupay kasta, impasigurado ti kameng ti pulisya a maipaayda ti hustisya para kenni Catherine ken iti pamilya daytoy.
Maipalagip a naikkat ni Allan De Castro iti serbisyo daytoy idi Enero kalpasan nga inaklonna nga adda ti romansa a relasyonda iti biktima iti baet a pamilyado daytoy.
Ni De Castor metlaeng ti mabigbigbig a prime suspect iti panakapukaw ti biktima ngem agingga iti agdama ket agtaltalinaed a naulimek maipapan iti nasao a kaso.
Maipalagip pay nga idi Oktubre idi napan a tawen ket naipadamag a mapukpukaw ni Christine nu sadino agingga saan pay a nasarakan agingga iti agdama.
