Naipilan ti kaunaan nga impeachment a kaso kontra kenni Vice President Sara Duterte ita a malem.
Daytoy ket babaen ti manangipila ti civil society organizations iti House of Representatives’ Office of the Secretary General.
Ti nasao nga impeachment complaint ket inaramid dagiti nagduduma a religious leaders, sectoral representatives, ken ti pamilya ti drug war victims nga inyendorso ni Akbayan party-list Rep. Percival Cendaña ita nga alas tres ti malem.
Dagiti complainants ket kinadua da sigud a senator Leila de Lima, sigud a Quezon City lawmaker Jose Christopher Belmonte, sigud a presidential peace adviser Ging Deles, Catholic priests Robert Reyes and Flavie Villanueva, ken dagiti miyembro ti Magdalo group.
Maipalagip a ni Duterte ti nagbalin a topiko maipapan iti impeachment gapu kadagiti nagbalin a behaviorna itay napalabas.
