BAGUIO CITY- Nalidem a patgan ti Land Transportation Franchising and Regulatory Board (LTFRB) ti kiddaw ti transport sector a kanayonan a P3 a plete kadagiti parapasahero a jeep iti rehiyon Cordillera.
Sigun kenni LTFRB-Cordillera Regional Director Engr. Lalaine Sobremonte, saan pay a panawen tapno maipangato ti plete gaputa dakkel ti agbalin nga epekto daytoy kadagiti pasahero.
Kinunana nga adda metten ti ar-aramidenda a wagas tapno saan a madagsenan dagiti drivers ken dagiti operators nangruna ita a pandemya.
Inlawlawagna a daytoy ket ti panangipaayda ti Phase 3 iti fuel subsidy ken karaman ti Cordillera a maipaayan iti daytoy.
Ti fuel subsidy ket maipaay para laeng kadagiti parapasahero a jeep a naipaayan ti special permit kas maitunos metlaeng iti TRAIN Law.
