--Ads--
Imbasura dagiti hues ti International Criminal Court ti kiddaw ni sigud a President Rodrigo Duterte a madiskualipikar ti dua a hues ti International Criminal Court a nagdesision a kariten ti hurisdiksion ti korte seknan iti kasona.
Nag-convene ti plenario idi laeng June 9 tapno ikonsiderar ti kiddaw ni sigud a President Duterte para iti pannakadiskwalipikar da Judge Reine Adélaïde Sophie Alapini-Gansou ken Judge María del Socorro Flores Liera.
Ti kopia ti pakabuklan a rason ti desision dagitoy ket maipablaak iti kabiitan a panawen.
Maipalagip a nakalanad iti application ni Duterte a rumbeng a madiskualipikar ni Judge Alapini-Gansou ken Judge Flores a mang-adjudicate iti Defence Challenge a mainaig iti Respect to Jurisdiction.
