Bimmaba ita ti krimen iti siudad ti Baguio, maibasar iti rekord ti Baguio City Police Office, nupay kasta agtaltalinaed nga adu ti kaso iti panagtakaw, sumaruno ti Physical injury ken maikattalo ti panagrames iti siudad, nu sadino kangrunaan a biktima dagiti minurde edad.
Iti panakiyuman ti Bombo Radyo kenni Police Major Harriet Bulcio, public information officer iti Baguio City Police Office, kinunana a kangrunaan a mataktakawan dagiti business stablishments ken residentials nga awanan ti presensia dagiti police.
Iti sabali a bangir, dumanon iti sangapulo ket wallo ti kaso iti panaglabsing iti animal welfare act iti siudad ti Baguio, bayat ti agtultuloy a panakimplementar iti nasao a linteg.
Gapu iti dayta kidkidawen ti nasao nga opisial kadagiti residente nga ireportda a dagus kadagiti otoridad dagiti insidente iti panaglabing iti animal welfare act ken liklikanda ti panagipost nga umuna iti social media tapno dagus a maresponde dagiti insidente mainaig iti daytoy.//mp4
