Posible a mapilaan iti kaso a physical injuries ti maysa a lalaki kalpasan a dinangranna ti maysa metlaeng a lalaki idiay Banig, Tawang, La Trinidad, Benguet.
Rumrumwar nga immuna a ginandat ti suspek nga i-holdup ti biktima ngem saan daytoy a nagballigi.
Iti panakiuman iti Bombo Radyo kenni Police Lieutenant Colonel Zacarias Dausen,Chief of Police iti La Trinidad Municipal Police Station, inlawlawagna a saan a maibilang nga holdup ti nasao nga insidente gapu ta awan ti naala nga alikamen ti suspek manipod iti biktima gapu ta limmaban daytoy.
Sigun kenni PLtCol. Dausen iti imbestigasyon dagitoy, paawid ti biktima pasado alas dose ti parbangon idi nasalawna ti suspek iti nasipnget a paset ti nasao a lugar.
Kasaruno dayta,maatap a tinutukan ti suspek iti airsoft gun ti biktima ngem gapu ta saan a mamati ti biktima a saan nga agpayso a paltog ti inaramat ti suspect, limmaban daytoy.
Nabaelan ti biktima a bekkelen ti suspek ngem maatap a nagaw-at ti suspek ti magazine ti airsoft ken impak-ulna iti biktima.
Gapu ti dayta, nagsagrap ti biktima iti contusion ken laceration iti makin-likod a paset ti ulona ken abrasion met iti tumeng wenno saka daytoy.
Manarimaan met ti imbestigasyon para iti panakaduktal iti pakabigbigan ti suspek.
Kabayatanna, narekober manipud ti crime scene ti inaramat ti suspek nga armas a magazine nga addan bala para iti pellet gun.
Mainaig iti dayta, impakaammo ti police officer nga addati na-extract dagitoy a maysa a copya ti CCTV footage ngem daytoy ket adayo iti mismo a disso a a nakapsamakan ti insidente.//Bombo Noveh Organo
