--Ads--
BAGUIO CITY – Pimmusay ti maysa a lalaki kalpasan a nalmes iti Bani Hot Spring sadiay Boliney, Abra.
Nabigbig daytoy a ni Louie Arellano, 29-anyos, residente ti Luzong, Manabo, Abra.
Maibasar iti imbestigasyon ti pulisya, nagturong ti biktima ken dagiti kabagianna iti nasao a hot spring tapnu ag-picnic idi kalman ti pangaldaw.
Dagus a naglangoy ti biktima agingga nga inyanod daytoy iti napegges nga ayos ti danum.
Naiturong daytoy iti water falls ken sadiay a timmama ti ulona iti kabatbatuan agingga a nalmes daytoy.
Nasarakan laengen ti bangkay ni Arellano, 100 metro manipud iti picnic area kalpasan ti agarup tallo nga oras a panagbiruk iti daytoy.
