Manamnama a mangipaulog ti Land Transportation Franchising and Regulatory Board (LTFRB) iti “show cause order” kontra iti maysa a jeepney driver a maatap a nangibabain ti maysa a pasahero idiay Metro Manila.
Nangipila ti reklamo ti biktima iti nasao nga ahensia tapno masurwan ti leksion ti driver.
Maipalagip a siningir ti jeepney driver ti pasahero ken kiniddawna a bumaba ti jeepney gaputa sobra ti timbangna.
Kinuna pay ti driver a ti timbang ti agtawen ti baente nuebe a pasahero ket rason a nag-flat ti dalig ti jeepney.
Malakid kenkuana, maipaayan pay ti “show cause order” ti jeepney operator tapno ilawlawagna ti napasamak.
Posible a maipasango ti kaso nga “unjust discrimination”, “lack of courtesy”, ken “overcharging” ti jeepney driver nu mapaneknekan a nagbasol daytoy.
