Natay ti lima kadagiti uppat a pulo ket maysa kadagiti baboy a naipaayan iti African swine fever (ASF) vaccine sadiay Lobo, Batangas sigun iti Department of Agriculture.
Nupay kasta, inyunay-unay ni Department of Agriculture Secretary Arnel de Mesa a saan da a natay dagitoy gapu iti epekto ti bakuna, no diket gaput iti pulmonary diseases.
Inlaw-lawag pay ni De Mesa nga addaan iti saan a nasayaat a kasasaad dagiti nasao a baboy sakbay ti pannakabakuna dagitoy ken nag-negatiboda iti African swine fever.
Maipalagip nga immunan a kalikaguman ti Department of Agriculture nga ipa-test dagiti hog raisers dagiti baboyda para iti nasao a sakit, nu sadino dagiti laeng saan a nagpositibo iti nasao a virus ti mabalin a mabakunaan ken kasapulan a nasalun-at dagiti baboy ken nasayaat ti biosecurity dagiti backyard farms.
Immunan a nga inaprobaran ni Agriculture Secretary Francisco Tiu Laurel Jr. ti pannakairuar ti P350 million para iti pannakagatang ti 600,000 nga African swine fever (ASF) vaccine iti baet ti naipadamag a panagraira ti sakit iti pagilian.
