Nakasangpeten ti lima a Thai nationals a nakawtibo ti Hamas iti nasurok a makatawen iti pagilianda a Thailand idi laeng kalman.
Sinabat dagiti pamiliada dagiti lima a Thai nationals idiay Suvarnabhumi Airport ti Bangkok.
Nakakawes dagitoy iti winter jackets ken nakaduada manen dagiti pamiliada.
Sigun kadagiti otoridad ti Israel, nangkidnap dagiti militante a grupo ti Hamas iti 240 a tattao, agraman dagiti Israeli ken ganggannaet, iti panangrautda idi Oktubre 2023 iti beddeng ti Israel.
Kabayatan ti panangraut, pinatay dagiti gunmen ti 41 a Thai nationals ken nangkidnap iti 30 a Thai laborers.
Inyebkas ni Thai Foreign Minister Maris Sangiampongsa, a nangikuyog kadagiti hostage nga agsubli manipud Israel, ti pannakabang-arna iti panagsubli dagitoy.
