--Ads--
Nilagip ni President Ferdinand “Bongbong” Marcos Jr. ti ama daytoy a ni sigud a President Ferdinand Marcos Sr. para iti maika-107 a nagkasangayna ita nga aldaw.
Nagturong daytoy sadiay Ilocos Norte para iti panakaipatungpal ti misa.
Maibasar iti pablaak ni Marcos Jr., ti sirib ti amana ti nagbalin a giyana para iti panangidaulona iti pagilian a Pilipinas.
Kinablaawanna met daytoy ken sinaludona ti agnanayon a legacy ti amana.
Maipalagip a ni Marcos Sr. ti maikasangapulo a presidente iti pagilian a Pilipinas a nagserbi manipud tawen 1965 agingga 1986.
Pimmusay met daytoy idi Setyembre 28, 1989 sadiay Hawaii nga isut nag-iyanan ti pamilyana kabayatan ti panakaikkat dagitoy iti Malacañang.
