BAGUIO CITY – Namnamaen ni Rafael Serrano, Coordinator ti Burnham Lake Fishing Tournament a tagiragsaken dagiti fishing enthusiast ti maipatungpal a maika-walo a fishing tournament iti Burnham Lake inton Setyembre uno.
Iti interview ti Bombo Radyo kenni kenkuana, adun a lames ti matiltiliw partikular ti catfish.
Namnamaena pay nga adu ti bilang dagiti makipaset iti nasao a torneo gapu ta kangrunaan a nagparehistro ket new ken adda pay ti gangganaet.
Inlawlawag ni Serrano nga ipatungpalda ti one-time fishing competition nu sadino amin dagiti participants ket aggigiddan nga iconsume-da ti tallo nga oras a fishing time.
Karaman kadagiti matiltiliw ket tilapia, eel, pako, ken shrimp.
Kinuna pay ni Serrano nga iyawid laengen dagiti tiliwenda a klase ti lames gapu ta over-populated dagitoyen iti nasao a lake.
Innayona a dagiti pagannurotan ket kas metlaeng idi napalpalabas nu sadino agtiliw dagitoy ti lames, awan ti limitasyon iti hook, ken panagaramat ti tinapay iti hook da malaksid iti shrimp wenno kuwang (worm).
Agur-uray met ti cash prizes, ken trophies a maipaay kadagiti mangabak.
Kabayatanna, daytoy a fishing tournament ket paset paylaeng ti panakarambak ti Baguio Charter Day inton Dominggo.
