--Ads--
Maangay ti maikadua a quarter ti Nationwide simultaneous earthquake drill iti intero a Pilipinas alas nuebe iti agsapa inton bigat.
Mangipaay ti Baguio City Hall iti signal iti publiko tapno aramiden ti DUCK, COVER and HOLD iti uneg ti 30 a segundo.
Sarunuen daytoy ti nabaybayag a panag-uni ti siren a mangipasimudaag iti tunggal maysa a dagus nga agbakwit kadagiti naituding nga evacuation area.
Gapu iti dayta, makidkiddaw ti kooperasyon ti publiko pakairamanan dagiti estudyante ken dagiti school staffs a makipaset iti daytoy kas panagsagana iti kanito nga adda ti sumangbay a didigra.
Naibalakad metlaeng iti publiko a saan nga agdanag wenno agpanic bayat ti nasao nga aktibidad.
