BAGUIO CITY – Naibigbigen dagiti lima a lima a maatap nga hijackers a napapatay dagiti pulis sadiay Tuba, Benguet idi parbangon ti Hunyo 30 kasaruno ti panakabigbig ti kaudian kadagiti suspek
Daytoy ket ni NICOLAS ESGUERRA CUELLAR, 41-anyos, naasawaan, maysa nga electrician, tubo ken residente ti Mexico, Pampanga.
Ni Cuellar ti bangkay a nakasuot iti uniporme ti pulis ken nakasuot iti black leather shoes a nakadata iti kalsada.
Immunan a naala iti abayna ti maysa a black small pouch, maysa a pidaso ti 50-peso bill ken dua a pidaso ti 20 peso bill.
Iti report ti pulisya, mismo a ti asawana ti nangbigbig iti daytoy no sadinno kinunana a nabayagen a nagsinada ken nagnaed metten ni Cuellar iti sidong ti live-in partnerna.
Naamoan iti asawana nga adda ti kaso ni Cuellar a panagtakaw.
Sigun met iti kabsat ti suspek, innem a tawen nga awan ti komunikasyonda nga agkabsat ken naamoanna laeng a pimmusay ti kabsatna babaen iti live-in partner daytoy.
Kinuna met ti live-in partner ni Cuellar a naamoanna laeng a pimmusay daytoy idi pinakaamuan daytoy ti asawa ti maysa kadagiti suspek.
Inayonna a sakbay a napasamak ti insidente ket sinukon ni Ryan Pangilinan ni Cuellar, maysa kadagiti suspek, idi hunyo 28 tapno agtrabahoda sadiay Bulacan ken ditoy metten a saan a nagsubli.
Naamoan pay a naibalod ni Cuellar iti Pampanga Provincial Jail idi Abril 10, 2019 gapu iti panaglabsingna iti RA 9165 ken nawaya-wayaan daytoy idi Mayo 17 ti agdama a tawen.
Naiturong metten ti bangkay ni Cuellar sadiay San Fernando, Pampanga.
Immuna metten a nabigbig dagiti uppat pay a suspek a da DAVID RAPAL JR., RYAN PANGILINAN, RELLY CASTILLO ken MARK IAN TOLABUT GONZALES, bin-ig a residente ti Pampanga.
