--Ads--
BAGUIO CITY–Inaprubaranen ti House Committee on Health ti panakaipangato ti bilang ti bed capacity ti Baguio General Hospital and Medical Center (BGHMC) idi kalman.
Nailanad iti House Bill 8782 nga impila ni Baguio City Congressman Mark Go a maipangato iti 1,500 manipod 800 ti bed capacity ti BGHMC.
Panggep a makaipaay pay daytoy iti kalidad ken accessible a serbisyo ti salun-at kadagiti umili.
Malaksid iti dayta, manamnama a manayunan pay dagiti personnel ti ospital iti las-od ti uppat a tawen nangruna iti implementasion ti 15 nga specialty programs ti ospital.
Pakairaman dagiti nasao a programa ti Cardiovascular care, lung care, cancer care, mental health care ken dadduma pay.
