--Ads--
Impakaammo ni Undersecretary Claire Castro a mangilukat ti Presidential Communication Office ti maysa a website no sadino mabalin a mangisumitir ti publiko kadagiti reports da seknan kadagiti awan kinaagpaysuanna a damag nangnangruna nu maipanggep iti mannarimaan nga administrasyon.
Sigun kenni Undersecretary Castro, naobserbaranna nga kaaduwan kadagiti agwarwaras nga palso a damag ket maipanggep iti mannarimaan nga administrasyon ken kenni President Ferdinand Marcos, Jr. nangnangruna ita a mapasasaran iti krisis.
Impettengna a makita met nu kasatno ti panagtrabaho ti presidente iti agdama.
Sigun pay kenkuana, rumbeng laeng a mapilaan ti kaso apaman a maamwan dagiti mangwiwarwaras iti awan kinaagpaysuanna a damag. //bombokaren.c.s
