BAGUIO CITY – Pagsagsaganaan ti Office of Civil Defense – Cordillera ti isasangbay ti La Niña phenomenon iti pagilian.
Sigun kenni Frankie Cortez, Chief Operations iti nasao nga opisina, 62% chance ti panangrugi ti nasao a phenomenon inton Hunyo agingga Agosto.
Kinunana pay a nabukelen ti Oplan La Nina para iti stratehiya, polisiya, aktibidad tapno mapagsaganaan ti onset ti nasao a phenomenon.
Apela met ni Cortez iti publiko a makipartisipar ken makikoordinar iti tunggal maysa tapno maliklikan ti panakadadael ken casualties tunggal kalamidad, agbalin nga alerto, ken agtungpal kadagiti pagannurotan dagiti lokal a gobyerno ken iti maseknan nga opisina.
Maaw-awis pay iti publiko a mangipatungpalda iti clean-up drive nangruna kadagiti water ways, drainage systems, ken panangipatungpal ti assessment kadagiti komunidad.//Bombo Marinel Rodrigo
