--Ads--
BAGUIO CITY – Nadangran ti maysa lalaki kalpasan a natnag ti lugan nga inmaneho daytoy sadiay Natubleng, Buguias, Benguet idi kalman.
Nabigbig ti biktima a ni Patricio Pataras Andres, 25 anyos, baro, mannalon ken residente ti Amgaleyguey, Buguias, Benguet.
![](https://img.bomboradyo.com/baguio/2019/09/POLICE-REPORT-534x462-4.jpg)
Maibasar iti report, inmaneho ti driver ti truck daytoy ken agturong koma iti Trading Post sadiay La Trinidad, Benguet.
Nupay kasta, napukaw ti preno ti lugan a nagresulta iti pannakaidungpar daytoy iti barikada agingga a natnag iti bangir a linya ti kalsada.
Nagsagrap ti driver iti dunor ken naitaray iti Atok District Hospital sadiay Sayangan, Paoay, Atok Benguet para iti pannakatamingna.