Impeksa ni Senator Sherwin Gatchalian ti awagna iti Department of Education (DepEd) a papartakenda ti hiring process kadagiti teachers ken non-teaching staffs tapno mataming ti umad-adu a kinakurang dagiti mannursuro iti pagilian.
Sigun kenni Gatchalian, umad-adu ti bilang dagiti mannursuro a kasapulan ti pagilian kagiddan ti panaggadu dagiti estudiante, nu sadino dakkel a tulong ti dua pulo ket innem a ribu a posisyon apaman a makargaan amin dagitoy.
Maibasar iti datos idi Mayo iti agdama a tawen, 58% wenno agarup uppat a pulo ket innem a ribu ti bakante a trabaho iti Department of Education paratikular iti teaching posts bayat a mangilatang ti National Expenditure Program intun sumaruno a tawen iti P5.50 billion tapno makapataud iti 20,000 a baro a teaching positions.
Nupay kasta, kasapulan pay laeng ti nasao nga ahensia ti kanayonan nga agarup lima pulo ket innem a ribu a mannursuro a mangkasapulan iti P15.4 billion a badyet.
Kabayatanna, kinuna ni Department of Education secretary Sonny Angara a ti kinakurang ti mannursuro ket nakarkaro, gapu iti ipapanaw dagitoy tapno agretiro, nasaysayaat a gundaway iti trabaho iti ballasiw-taaw, limitado a panagdur-as ti karera, ken dadduma pay.
