BAGUIO CITY – Rarambakan ti Tabuk City ti engrande a maika-21 a Matagoan Festival ken maika-15 a Founding Anniversary ti syudad inton Hunyo kalpasan ti dua a tawen
Maibasar iti waragawag ti lokal a gobierno ti Tabuk, City, marugyan dagiti aktibidad para iti selebrasyon babaen kadagiti pre-events sakbay ti grand celebration inton Hunyo 24.
Inton Hunyo 22 ti agserbi kas opening ceremony ken cultural day; maipatungpal met inton Hunyo 23 ti Matagoan call wenno ‘ayag’ a maigiddan iti selebrasyon ti agri-vet ken cooperative day a makaitampokan dagiti aktibidad kas iti dog-walk, pig catching contest, trade fair, agri-lympics, skills ken employment fair.
Kabayatanna, maipatungpal ti motorcade inton Hunyo 24 kasta metten ti float parade a sarunuen ti anniversary program ken agleppas babaen iti fire works display
Mainaig iti dayta, karaman pay kadagiti pre-events ti bike fest inton Hunyo 18, mobile PRC licensing activity inton Hunyo 21, trade fair ken food bazaar a mailukat inton Hunyo 21 agingga Hunyo 30.
