BAGUIO CITY–Naminsan manen nga inlawlawag ni Baguio City Mayor Benjamin Magalong ti panagtalinaed daytoy kas contact tracing Czar ti pagilian iti baet ti irrevocable resignation daytoy.
Sigun kenni Mayor Magalong, saan a pinatgan ti Malakanyang ti panaglusolos daytoy iti pwesto kas Contact Tracing Czar
Kinunana nga aramidena ti mandatona kas contact tracing Czar agingga nga awan pay ti sumukat iti pwestona.
Dinakamatna a napagnumuan da Deputy Chief Implementer Secretary Vivencio Dizon ken DND Sec. ken Natioanl IATF chief implementer Carlito Galvez nga agtalianed paylang daytoy iti posisyon agingga makabirukda iti mabalin a sumukat kenkuana.
Imbinglayna a kabayatan iti panagurayna iti kasukatna ket aramidenna ti kabaelanna nangruna ita nga adda ti namonitor a UK covid-19 variant sadiay La Trinidad, Benguet ken Bontoc Mt. Province.
Inlawlawagana a saanna a maibati ti pwestona kas contact tracing Czar gapu ta sigurado a makaapektar daytoy iti contact tracing ti pagilian.
Mainaig iti dayta, impannakel ni Mayor Magalong nga ad-adda a napapintas ken napasayaat ti contact tracing ditoy Baguio City iti baet ti panakakesaay dagiti contact tracers nga inla iti DILG-CAR ita a tawen.
Sigun kenkuana, nagbalin a 1 is to 6 ti ratio ti contact tracing ken manamnama pay nga agbalin a 1 is to 7 ti panakaisayangkat daytoy kadagiti sumarsaruno a bulan manipud iti sagud a 1 is to 5 ratio dagitoy.
