Nangipila ni Pasig City Mayor Vico Sotto ti reklamo idiay Commission on Election (COMELEC) kontra kenni Sarah Discaya iti reklamo nga election overspending ken perjury.
Personal nga inpila daytoy ni Mayor Sotto idi kalman sadiay Comelec Political Finance and Affairs Department.
Sigun kenni Mayor Sotto, naglabsing ni Disvaya kadagiti regulasyon ti Commission on Election nga umno a panangaramat ti campaign funds.
Dinakamatna nga adda dagiti saan nga agpada nga impormasyon kadagiti dokumento nga insumitir ni Discaya, rason a nangipila daytoy ti kaso a perjury kontra kenkuana.
Maipalagip a ni Sarah Discaya ti Chief Financial Officer ti St. Gerard Construction General Contractor and Development Corporation a nagbalin a sentro ti kontrobersiya idi napalabas nga eleksyon sadiay Pasig.
Kinumpirmar met ni Commission on Election a naawatdan ti reklamo ni Mayor Sotto ken rugiandan nga adalen dagiti ebidensya a naisumitir.
