Nakemmeg ti 50-anyos a lalaki a High Value Target manipud iti High Value Seizure babaen iti naipatungpal a buy bust operation sadiay Pinsao Pilot, Baguio City nga indaulwan ti Philippine Drug Enforcement Agency-Cordillera Special Enforcement Team itay malem, July 16, 2025.
Nakumpiskar manipud ti suspek ti agarup 150 gramo ti maatap a shabu a naikarga iti maysa a green a karton.
Manipud iti karton naala ti dua a supot ti maatap a shabu a namindua a nabalkot iti transpararent a plastic .
Daytoy ket addaan iti standard value a P1,020,000.00
Malaksid iti dayta, ket nakumpiskar manipud iti suspek ti maysa a brown envelope a nakakargaan maysa a piraso ti 1,000 guiniene bill ken 209 a piraso boodle money a nausar kas buy bust money, maysa a slingbag ken maysa a selpon.
Gapu iti dayta, sumango iti kaso a panaglabsing ti R.A. 9165 Sec 5.
Naiturong metten daytoy iti Baguio City Police Office, Police Station 2.//Bombo Noveh Organo
