--Ads--
Bimmaliktad ti maysa nga elf truck manipod Bugias, Benguet a naglaon ti repolyo itay laeng alas 3:30 ti malem iti bypass road idiay Bagahabag, Solano, Nueva Vizcaya.
Maibasar iti report, bimtak ti kannigid a pilid iti likudan ti lugan a rason ti pannakatumba daytoy.
Naglaon ti nasao a lugan iti agarup 2,000 a kilo ti repolyo a maiturong kuma iti Nueva Vizcaya Agricultural Terminal Inc. (NVAT) idiay Bambang, Nueva Vizcaya.
Awan met ti naipadamag a nadangran iti insidente ken napartak a naibangon ti lugan babaen ti tulong ti heavy equipment a kukua ti maysa a pamilia a dagos a timmulong iti nasao nga insidente.
Saan metten a nabigbig ti agtagikua ti elf truck.
