Natnag ti maysa a pick-up truck itay laeng parbangun sadiay Kennon Road, Camp 2, Tuba, Benguet kalpasan a nadisgrasya daytoy.
Ti biktima ket lalaki nga agtawen ti 34 a residente ti Loakan Liwanag, Baguio City.
Maibasar iti imbestigasion ti pulisia, bayat ti panagdalyasat ti drayber iti nasao a kalsada a pasang-at iti siudad, naawanan daytoy ti kontrol ti manibela.
Gapu iti daytoy, napan daytoy iti bangir a linya rason tapno madungparna ti riprap ken matnag iti karayan.
Natnag ti lugan iti agarup 50 feet, sigun kadagiti otoridad.
Nagsagrap ti biktima iti physical injury.
Dagos met a naipaayan ti first aid babaen kadagiti nagresponde nga otoridad manipod iti Tuba MDRRMC ken BFP Tuba sakbay a naiturong iti kaasitgan nga ospital.
Iti agdama, manarimaan paylaeng ti imbestigasion nu adda iti impluwensia ti arak ti biktima. | via Bombo Noveh Organo
