Napapatay ti maysa a Pilipino idiay Saudi Arabia gapu iti panangpapatayna iti maysa a Saudi national itay nabiit.
Sigun iti Department of Foreign Affairs, impaay ti gobierno ti amin a legal assistance ken inaramidda amin a remedyo, pakairamanan ti presidential letter of appeal ken dadduma pay.
Nupay kasta, saan a pinaburan daytoy ti Saudi Arabia.
Malaksid iti dayta, nagkedked ti pamilya ti biktima nga umawat iti blood money wenno mangipaay iti kuarta kas sukat ti pannakawaya-waya ti Pilipino, isu’t gapuna a naituloy ti pannakapapatay daytoy.
Kinuna pay ni Department of Foreign Affairs Undersecretary iti Migration a ni Eduardo de Vega nga inaramidda ti amin a kabaelanda ngem kayat ti pamilia ti biktima ti death penalty imbes a mangipaayda iti blood money.
Kinniddaw met ti pamilia ti napapatay a Pilipino a marespeto ti privacy-da ken mailinged dagiti kanayonan a detalye iti publiko.
