Nadangran ti maysa a miembro ti 49th Infantry Battalion kalpasan ti rinnupak dagitoy iti nagbaetan dagiti mapapati a kameng ti New People’s Army (NPA) bayat ti relief dagitoy para kadagiti biktima iti Severe Tropical Storm Kristine idiay Pio Duran, Albay.
Sigun kenni Philippine Army public affairs executive officer Colonel Ronald Sarmiento, manarimaan ti relief operation dagiti soldado idi nakaawat dagiti iti report manipud kadagiti umili sadiay nga adda dagiti kameng ti communist terrorist groups iti nasao a lugar.
Kinunana a ditoy met a napasamak ti ambushed rason a nadangran ti maysa kadagiti soldado.
Dagus met a naitaray daytoy iti pagagasan para iti dagus a pannakatamingna.
Iti agdama, manarimaan ti follow-up operation dagiti Philippine Army tapno makemmeg dagiti adda iti likudan ti napasamak nga ambush.
Impetteng met ti 9th Infantry Division a napasamak ti ambush, tapno maatap nga agtakawda dagiti communist terrorist groups kadagiti relief goods.
Gapu iti dayta, kinondinar ni Armed Forces of the Philippines (AFP) spokesperson Colonel Francel Margareth Padilla a karaman dagiti rebelde a naapektaran iti bagyo nga ipaayan ti gobierno iti relief goods.
