Nakemmeg ti maysa a tattoo artist, alias “Chad” wenno “Chadwick,” maibilang a high value individual (HVI), agtawen iti 29, ken residente ti Campo Filipino, Baguio City babaen iti naisayangkat a nagtinnulong a buy-bust operation idi Marso 11, 2026.
Nakumpiskar manipud iti suspek ti agarup 1.3 grams a maatap a shabu nga addaan iti Standard Drug Price a P16,320.
Nasamsam metlaeng manipud iti suspek ti maysa a pidaso ti genuine 500 peso bill, maysa a pidaso ti boodle money a 500 peso boodle money, maysa a pidaso ti plastic sachet a naglaon iti sumagmamano nga empty plastic sachet, ken maysa a motor ken helmet.
Kabayatanna, rimmuar a positibo ti nasamsam a shabu manipud iti suspek kalpasan a naipasidong ti item iti qualitative test bayat a nagpositibo metlaeng ti suspek iti naipatungpal a drug test kenkuana.
Napilaan metten iti kaso ti suspek.
Kabayatanna, balligi ti nasao nga operasion babaen iti nagtinnulong a puersa ti Baguio City Police Office-Police Station 6 kas lead unit, BCPO-Police Station 7 ken CDEU ken CIU.|via Bombo Noveh Organo
