BAGUIO CITY- Nakemmeg ti maysa a drug personality kalpasan ti maatap a panangibiahe ken panangilakona ti marijuana sadiay Sitio Pacak, Agbannawag, Tabuk City, Kalinga idi kalman.
Nabigbig ti suspek a ni Jeboy Agyao Amangan, 22-anyos, estudyante ken residente ti nadakamat a lugar.
Nakumpiskar manipud kenkuana ti sangapulo a bricks ti dried marijuana leaves ken stalks nga agdagsen ti 10,000 grams ken aggatad iti P1.2-M.
Naala metlaeng manipud kenkuana ti dried marijuana leaves ken stalks a nakakarga iti brown a box nga agdagsen ti 50 a gramo nga aggatad ti P6,000.
Nakumpiskar pay ti dua a pedaso ti one-thousand-peso bill, 86 a pedaso ti on-thousand-peso-bill a naaramat kas buy-bust money; maysa a cellphone; maysa a pedaso ti key chain nga addaan ti tulbek; maysa a yunit ti black honda TMX MC nga awanan ti plate number ken maysa a pedaso ti brown a box.
Agtultuloy ti hot pursuit operation dagiti otoridad kontra kadagiti kakadwana ti suspek.
