Nakemmeg ti maysa nga street level indibidual (SLI) a ni alyas “Olan”, agtawen iti 29, maysa a laborer, ken residente iti siudad ti Baguio bayat ti naipatungpal a buy bust operation sadiay Km4 Pico, La Trinidad, Benguet itay malem, Agosto 12, 2025.
Nakumpiskar manipud kenkuana ti agarup 1.70 a gramo ti maatap a shabu nga addaan iti standard drug price nga P11, 560.
Naala metlaeng kenkuana ti buy bust money a maysa a pidaso ti 1,000 peso bill, 2 a pidaso ti one thousand peso bill a boodle money, maysa a selpon, maysa a leather pouch, national ID ken maysa a coin purse leather.
Balligi a naipatungpal ti buy bust operation babaen ti pwersa ti PDEU/PIU Benguet Police Provincial Office, La Trinidad Municipal Police Station ken 2nd PMFC, Benguet Police Provincial Office.
Ti suspek ket sumango ti panaglabsing ti RA 9175 wenno comprehensive dangerous drug of 2002.//Bombo Noveh Organo
