Nakemmeg ken naiturung iti Municipal Social Welfare and Development Office ti maysa a menor de edad a lalaki para iti assessment daytoy gapu iti maatap a panagtakawna iti motor.
Maibasar iti imbestigasyon ti pulisya, napasamak ti carnapping ita a bulan ti Marso.
Ti biktima ket maysa a baente kwatro anyos, studyante ken agdama nga agnanaed sadiay Windyhill, Poblacion, La trinidad, Benguet.
Sigun iti biktima, nakapark ti motorsiklo daytoy a Honda iti kalsada iti sango ti boarding housena ngem idi kitanna daytoy ket mapukpukawen daytoy.
Idi kitaenda ti CCTV footage ket nakita ti maysa a lalaki a nakausar iti pantalon ken sweatshirt nga idurdurunna ti motorsiklo.
Itay nabiit, naarestar ti suspek sadiay Burnham Park, Baguio City gapu iti daytoy.
Gapu iti dayta, naipakaamo daytoy iti biktima wenno complainant ken ditoy nga inberipikarna a tagikuana ti motor nga inaramat ti suspek ngem nasukatan ti plaka.
Ti motorsiklo ket naiturung iti opisina ti pulisya para iti dokumentasyon ken regular filing ti kaso ken nangipasa met ti proof of ownership ti biktima.//Bombo Noveh Organo
