Ikonkonsidera ti grupo a Migrante International a bannuar ni Mary Jane Veloso, ti Overseas Filipino Worker (OFW) a napadas, ken naibalud idiay Indonesia iti dandani sangapulo ket lima a tawen.
Sigun kenni Migrante International chairperson Joanna Concepcion, dagiti OFW a nangidepensa iti karbenganda iti tengnga ti diskriminasion, kinaawan hustisia, ken pananggundaway ket maikari a maawagan a bannuar.
Kinunana pay a saan laeng a maikari iti pannakawaya-waya ni Veloso, ngem kasta metten a mabigbig kuma daytoy.
Dinakamat ni Concepcion ti sinango ni Veloso a karit ti biagna a kas ti pammaneknek nga inosente daytoy iti panangiserrek ti iligal a droga idiay Indonesia nu sadinno saan a nagpaabak daytoy.
Para iti nasao nga opisial, ti kampania ni Veloso ket rason tapno nagkaykaysa iti nasion, ken rason tapno dagiti Indonesian migrant ken Filipino migrant workers ket nagtipon tapno agkaykaysa.
